Kwetu Bongo | Online Magazine / Newspaper

Justin Bieber and Chris Brown Are Apparently New Besties

Erick Anam — Wed, 22 May 2013 11:25:52 +0000

Those concerned about Justin Bieber’s many public missteps this year likely won’t “heart” his latest Instagram photo — an image in which he’s seen bonding with Chris Brown.

The baby-faced pop star, 19, posted the photo of himself with his controversial new friend on Tuesday. In it, the Biebs points at the 24-year-old R&B artist, who has his arm draped around Bieber’s neck. “CB what’s up,” reads the caption.

[Related: Surprising Celebrity Friends]

Although the “Boyfriend” singer has expanded his body-art collection this year, he looks like a tattoo lightweight next to Brown, who practically has two sleeves at this point and most of his neck covered. Despite their ink inequality, the guys certainly appear fond of each other. It seems like a new Hollywood bromance has blossomed.

However, seeing that Brown is a controversy magnet (whether it’s his on-again/off-again relationship with Rihanna, fights with Drake and Frank Ocean, or his recent graffiti feud with neighbors), one can’t help but wonder how this new friendship might affect Bieber, who is in the middle of his most tumultuous year yet in the public eye, littered with missteps and scandals.

The Canadian heartthrob’s most recent embarrassment was getting booed at Sunday’s Billboard Awards. When Bieber went onstage to accept the Milestone Award, the crowd wasn’t exactly welcoming, with detractors jeering him loudly from their seats. And his speech didn’t exactly convert them. Bieber told the crowd that he was “not a gimmick” and declared, “I’m an artist.” No surprise, more booing followed. (Don’t worry, his on-again gal pal Selena Gomez was waiting backstage to console him with a kiss.)

[Related: Justin Bieber Booed at Billboard Music Awards, Says He 'Should Be Taken Seriously']

The morning after, Bieber tweeted a vague message to his loyal Beliebers, saying, “Gonna take some time,” though he didn’t elaborate on what he would be doing. We kind of hope he has some other things planned in addition to this photo op with Brown — as he himself has said he’s at his best when he’s performing and busy working.

Bow Wow and K. Michelle at BET’s “106 & Park” at BET Studios

Erick Anam — Wed, 22 May 2013 01:23:06 +0000

K. Michelle Hosting 106 and Park TODAY + K. Michelle Tells Ebro Of Hot97 He Cannot Get The Drawz! — Bow Wow and K. Michelle at BET’s “106 & Park” at BET Studios on May 20, 2013 in New York City – K. Michelle Hosting 106 and Park TODAY + K. Michelle Tells Ebro Of Hot97 He Cannot.

PROFESA JAY AJIPATIA KADI YA CHADEMA

Erick Anam — Tue, 21 May 2013 12:24:29 +0000

Profesa Jay akiwa na Joseph Mbilinyi ‘Sugu’ baada ya kujiunga na Chadema.

Profesa Jay (katikati) akiwa na Joseph Mbilinyi ‘Sugu’ pamoja na John Mnyika (kulia).

Profesa Jay akionyesha ishara ya Chadema.

MWANA Hip Hop mahiri hapa nchini, Joseph Haule ‘Prof J’ amejiunga rasmi na Chama cha Demokrasia na Maendeleo (Chadema).
Profesa Jay amejiunga na chama hicho wakati akiwa mkoani Dodoma pamoja na wasanii wengine akiwemo Judith Wambura ‘Lady Jaydee’ kwa mwaliko wa Mbunge wa Mbeya Mjini (Chadema), Joseph Mbilinyi ‘Sugu’. Katika ukurasa wake wa twitter kabla ya kujiunga rasmi na chama hicho, Prof aliandika hivi: “Mmeniuliza sana kwamba mimi ni chama gani jibu litapatikana muda sio mrefu!! Still in Dodoma STAY TUNED!!!” Na baada ya kujiunga alitweet hivi sambamba na picha akiwa na Mbunge wa Jimbo la Ubungo wa cha hicho, John Mnyika pamoja na Sugu: “Prof, Jay Vua gamba, vaa Gwanda mimi Nipo Hapa now.”

For More Visit www.professorjaytz.com

Sugu avuruga Bunge

Erick Anam — Tue, 21 May 2013 08:15:32 +0000

Hotuba ya Kambi ya Upinzani kuhusu Makadirio na Mapato na Matumizi ya Wizara ya Habari, Vijana, Utamaduni na Michezo, jana ilisababisha shughuli za Bunge kusitishwa kwa muda, kwa kile kilichoelezwa kuwa imejaa maneno ya uchochezi.

Hotuba hiyo iliyokuwa ikisomwa na Msemaji Mkuu wa Kambi hiyo, Mbunge wa Mbeya Mjini (Chadema), Joseph Mbilinyi, maarufu kama Mr. Sugu, ilisitishwa mara baada ya Mbunge wa Mbozi Mashariki (CCM), Erasto Zambi, kuomba mwongozo.

Zambi aliomba mwongozo kupitia kifungu cha 68 (1) na Kanuni ya Bunge ya 6 (a), akisema kuwa Mbunge aliyekuwa akiendelea kutoa hotuba anatoa maneno ya uchochezi ambayo hayawezi kuvumiliwa.

Zambi alisema kuwa katika ukurasa wa kwanza hadi wa 14 wa hotuba hiyo kumejaa maneno ya uchochezi yanayosema kuwa serikali ya CCM inafanya vitendo vya kiharamia vya kuwateka na kuwatesa waandishi wa habari kwa kuwango’a meno, macho na kuwatoa kucha.

Baada ya Zambi kuomba mwongozo huo, Spika wa Bunge, Anne Makinda, alisema analazimika kuahirisha kikao hicho cha Bunge ili hotuba hiyo ya kambi ya upinzani ikafanyiwe marekebisho kabla ya kusomwa tena.

“Sisi wenyewe juzi hapa tumepitisha azimio la kukataa mambo ya uchochezi humu, sasa nasitisha kikao cha Bunge hadi jioni ili kamati ya kanuni ya Bunge ikae na kufanyia marekebisho hotuba hii,” alisema Makinda.

Kwenye hotuba yake, Sugu alisema Tanzania imeingia rasmi katika orodha ya fedheha ya mataifa ambayo taaluma ya habari ni taaluma ya hatari kwa wale wote wanaoitumikia kama sehemu ya wajibu wao kwa taifa na kama ajira kwao.

Katika hotuba yake, Sugu alisema kuna ushahidi kwamba serikali ya CCM na Jeshi la Polisi wamekuwa wakihusika na kuwaua na kuwaumiza waandishi wa habari wanaoandika habari zisizowapendeza viongozi wa serikali na Jeshi la Polisi.

Alisema miezi sita baada ya kuuawa kwa Daudi Mwangosi, mwandishi mwingine mwandamizi, Absalom Kibanda, alitekwa nyara na kuteswa vibaya nje ya nyumba yake.

Sugu alisema Kibanda alitekwa na kuteswa baada ya nyendo zake kufuatiliwa na polisi na watu wengine wanaodhaniwa kuwa ni watumishi wa Idara ya Usalama wa Taifa na Ujasusi (TISS).

Alisema badala ya kuchukua hatua za dhati na kuwachukulia hatua waliohusika na tukio hilo la kigaidi, Jeshi la Polisi likishirikiana na Idara ya Usalama wa Taifa, maofisa wandamizi katika Ofisi ya Rais Ikulu na viongozi wandamizi wa CCM walianzisha kampeni ya kuichafua Chadema.

Sugu alisema CCM iliamua kuanza kumsingizia Mkurugenzi wa Usalama wa chama hicho, Wilfred Lwakatare kwa madai ya kuhusika na ugaidi kutokana ushahidi wa kutunga tunga.

Sugu alisema kwa mujibu wa taarifa ya Kamati ya Kulinda Waandishi wa Habari Ulimwenguni (CPJ), iliyotolewa mwaka huu 2013, kwa mara ya kwanza tangu kuanzishwa kwa CPJ mwaka 1992, Tanzania imeingizwa kwenye orodha ya nchi 20 ambazo ni hatari kwa waandishi wa habari kufanya kazi zao kutokana na hatari ya kuuawa kwa mwaka 2012.

Alisema kwa mujibu wa taarifa hiyo, Tanzania ilishikilia nafasi ya saba ulimwenguni kati ya nchi 20 zinazoongoza kwa kuhatarisha maisha ya waandishi wa habari. Mbunge huyo alisema kwa mujibu wa taarifa ya CPJ, tishio kubwa kwa waandishi wa habari duniani ni kuuawa kwa kutekwa na kuteswa au kutishiwa maisha.

Aidha, alidai kwamba serikali na vyombo vyake vya ulinzi na usalama ni washiriki wakubwa wa mauaji ya waandishi wa habari na kwa mujibu wa takwimu za CPJ, kati ya waandishi waliouawa mwaka 2012, karibu asilimia 20 waliuawa ama na maafisa wa serikali au na majeshi yake.

Alisema karibu idadi hiyo hiyo ya waandishi wa habari waliuawa kwa sababu ya kufuatilia taarifa za kiuchunguzi na za hatari na taarifa hiyo inaonyesha kwamba hadi kufikia Aprili 2013, waandishi wa habari wapatao 30 tayari wamekwishauawa ulimwenguni wakati wakitimiza wajibu wao wakati mwaka 2012 waandishi wa habari 103 waliuawa ulimwenguni kote.

Baada ya Bunge kurejea jioni, Spika Makinda alitoa maelekezo kwa Kambi ya Upinzani kutosoma ukurasa wa kwanza hadi wa 14, lakini Sugu alisoma hotuba yake kuanzia ukurasa wa 12 na kuzimiwa kipaza sauti.

Baada ya kuimaliza, Zambi alisimama kuomba mwongozo wa Spika akitaka aelezwe ni jambo gani lilisababisha maelekezo ya Spika ya kubadilisha hotuba hiyo yasitekelezwe huku akilalamikia hatua ya Sugu kuisoma bila kufanyiwa marekebisho.

Hata hivyo, Spika alisema kuwa hotuba hiyo haitakuwa katika kumbukumbu za hansard.

DK. SLAA AJA JUU
Katibu Mkuu wa Chadema, Dk. Willibrod Slaa, amesema ikibidi Bunge livunjike au wabunge wa chama hicho wafukuzwe bungeni, lakini hawako tayari kuzibwa mdomo kuzungumzia masuala yanayohusu maisha ya Watanzania.

Amesema chama hicho hakitakubali wabunge wake wapangiwe mambo ya kuzungumza kwa kutegemea busara za Spika au Naibu Spika, bali wataangalia na kufuata maelekezo ya kanuni za Bunge, akisema ndiyo msingi wa uendeshaji wa chombo hicho cha uwakilishi wa wananchi.

Akizungumza katika mikutano ya hadhara jana katika maeneo ya Ngalangala, Basotu, wilayani Hanang na Haydom, wilayani Mbulu, kuhusiana na hotuba ya Sugu kuahirisha Bunge, Dk. Slaa alisema wabunge wa chama hicho daima wataendelea kuwasemea Watanzania wanyonge ndani na nje ya Bunge.

“Moja ni tukio lililotokea leo (jana) bungeni. Kwa wale mliofuatilia mkutano wa Bunge mliona kilichotokea. Ninachotaka kumwambia Spika na wasaidizi wake bungeni ni kwamba Bunge linaongozwa kwa kanuni za bunge, si vinginevyo.

Uamuzi aliofanya wa kuagiza hotuba ya wabunge wetu ipelekwe kwenye Kamati ya Maadili ya Bunge ni kinyume na kanuni ambazo ndizo msingi wa utendaji kazi wa bunge. Hakuna sehemu yoyote katika kanuni inampatia mamlaka Spika ya kupeleka hotuba ile kwenye kamati hiyo, ili waelekeze nini kisemwe. Hakuna,” alisema Dk. Slaa.

Alisema kuwa baada ya mawasiliano ya viongozi wa juu wa chama hicho na uongozi wa Kambi ya Upinzani Bungeni, walikubaliana kuwa kwa sababu hotuba hiyo haikuvunja kanuni yoyote ile ya Bunge, hawatakubali kuondoa au kupunguza neno hata moja.

Msigwa aachiwa kwa dhamana

Erick Anam — Mon, 20 May 2013 23:11:25 +0000

Mbunge wa Iringa Mjini (Chadema), Mchungaji Peter Msigwa, ameachiwa kwa dhamana baada ya kufikishwa katika Mahakama ya Hakimu Mkazi Wilaya ya Iringa na watuhumiwa wengine 74 kufuatia vurugu zilizotokea juzi kati ya wafanyabiashara wadogo maarufu kama wamachinga na polisi mjini hapa.

Mchungaji Msigwa ambaye alikamatwa juzi na polisi na kulala rumande, alifikishwa mahakamani jana mbele ya Hakimu Mkazi Mfawidhi wa mahakama hiyo, Godfrey Isaya, na kusomewa mashtaka mawili ya kushawishi na kufanya mkutano bila kibali.

Wakili wa Serikali, Adolph Maganda, alidai kuwa watuhumiwa wengine kwa pamoja wanatuhumiwa kwa makosa matatu likiwamo la kufanya vurugu, uchochezi na kuharibu mali kinyume cha sheria.

Watuhumiwa wote wamekana mashtaka dhidi yao huku wakili huyo wa serikali akidai kuwa hana pingamizi dhidi ya dhamana kwa watuhumiwa wote.

Hakimu Isaya alisema kuwa dhamana kwa washitakiwa wote ipo wazi kwa kila mmoja kuwa na mdhamini mmoja anayeaminika pamoja na kusaini hati ya dhamana ya Sh. milioni moja.
Hata hivyo, watuhumiwa 48 na Msigwa ndiyo waliofanikiwa kupewa dhamana huku wengine 26 wakirudishwa rumande baada ya kushindwa kutimiza masharti ya dhamana.

Mchungaji Msigwa aliwekewa dhamana na Herzon Lusapi, Mwalimu wa Shule ya Msingi Ugele.

Kesi hiyo itatajwa Juni 3, mwaka huu na watuhumiwa waliopewa dhamana wametakiwa kutofanya kosa lolote katika kipindi chote kesi hiyo itakapokuwa inaendelea.

Watuhumiwa hao walifikishwa mahakamani hapo saa 8:00 mchana wakiwa kwenye msafara wa magari matatu yakiwamo ya maji ya kuwasha chini ya ulinzi mkali wa askari wa Kikosi cha Kutuliza Ghasia (FFU).

Baada ya kukamatwa Msigwa alichukuliwa kwenye Pick-up Toyota Land Cruiser ya polisi pamoja na watuhumiwa wawili wanawake waliokamatwa katika vurugu hizo, huku watuhumiwa wengine 74 wakipandishwa kwenye karandinga la polisi.

Katibu wa Chama cha Demokrasia na Maendeleo (Chadema) wa Wilaya ya Iringa Mjini, Suzana Mgonakulima, akizungumza na NIPASHE nje ya mahakama alisema kuwa mchakato wa kuwadhamini watuhumiwa waliosalia unaendelea kufanyika na kwamba wana uhakika wote watadhaminiwa.

Mamia ya wananchi wa Manispaa ya Iringa baada ya Mchungaji Msigwa kuachiwa kwa dhamana, walilipuka kwa kelele za shangwe huku wakimnyanyua juu juu.

Kufikishwa mahakamani kwa mbunge huyo na washtakiwa hao kunafuatia vurugu kubwa zilizotokea juzi kati ya wamachinga na Jeshi la Polisi mkoani Iringa na kusababisha maduka kufungwa, huduma mbalimbali ikiwamo ibada za Jumapili kusitishwa baada ya Jeshi hilo kutumia nguvu, kuwatawanya wafanyabiashara hao katika eneo la Mashine Tatu.

Hali ya usalama ilianza kutoweka kuanzia saa 1:00 asubuhi baada ya wafanyabiashara hao kufika katika eneo hilo kwa ajili ya kuanza kupanga bidhaa zao ndipo askari wa FFU waliokuwa na gari lenye maji ya kuwasha walipoanza kufyatua bomu la machozi na kisha kurusha maji kwa ajili ya kuwatawanya wafanyabiashara hao.

Chanzo cha polisi kuamua kutumia nguvu ni hatua ya wafanyabiashara hao kukaidi amri ya Manispaa ya Iringa iliyowakataka kufanya biashara katika eneo la Mashine Tatu. Muda mfupi baada ya kitendo hicho, wafanyabiashara hao walifunga barabara kwa mawe, magogo na maeneo mengine wakichoma matairi kupinga amri hiyo, jambo ambalo liliwalazimu askari kuendelea kufyatua mabomu ya machozi kukabiliana na makundi ya wafanyabiashara hao.

Kufuatia vurugu hizo zilizosababisha uharibifu wa mali mbalimbali yakiwamo magari ya Jeshi la Uokozi na Zima Moto, Polisi na magari ya raia, Jeshi hilo lilimkamata Mchungaji Msigwa, pamoja na wafanyabiashara zaidi ya 50.

Mchungaji Msigwa alikamatwa na Polisi na kushikiliwa katika kituo kikuu cha Polisi mjini hapa baada ya kutoka katika harambee ya kuchangia ujenzi wa Kanisa la Chuo Kikuu cha Tumaini, kilichopo chini ya Kanisa la Kiinjili la Kilutheri Tanzania (KKKT), Dayosisi ya Iringa.

Vurugu hizo zilitokea siku chache tu baada ya Mchungaji Msigwa kufanya mkutano wa hadhara Alhamisi iliyopita katika kituo kikuu cha mabasi yaendayo mikoani na kuwataka wafanyabiashara hao kuendelea na biashara zao katika eneo hilo.

Waislamu Nigeria wapinga marufuku ya Hijabu

damas venance — Mon, 20 May 2013 11:19:16 +0000

Waislamu nchini Nigeria wamelaani marufuku ya vazi la hijabu katika shule za serikali nchini humo. Ripoti iliyotolewa na Jumuiya ya Wanafunzi wa Kiislamu wa Vyuo Vikuu vya Serikali (Obafemi Awolowo) nchini, imelaani vikali tangazo la kupiga marufuku vazi takatifu la hijabu katika shule zote za Lagos na kuitaja marufuku hiyo kuwa ni mwanzo wa kukanyagwa haki za wanafunzi wa Kiislamu nchini humo. Aidha Waislamu nchini Nigeria wamelalamikia hatua hiyo na kuwataka viongozi wa Lagos kufuta mara moja marufuku hiyo. Kwa upande mwingine Waislamu hao wametoa wito kwa serikali ya Lagos kulaani hatua ya kuwasajili wanafunzi wanaovaa hijabu mashuleni na kuongeza kuwa, serikali inapaswa kufahamu kuwa, uendeshwaji wa shule za serikali unatokana na kodi zao na kwamba, ni haki yao kunufaika na shule hizo bila kubaguliwa kiimani. Wakati huo huo Msemaji wa serikali ya Nigeria Reuben Abati amesema kuwa, Rais Goodluck Jonathan wa nchi hiyo amelitaka kundi lenye misimamo mikali la Boko Haram kuweka chini silaha na kurudi kwenye meza ya mazungumzo.

CUF: Hatujihusishi na siasa za vurugu

Erick Anam — Mon, 20 May 2013 09:06:01 +0000

Naibu Katibu Mkuu wa CUF Tanzania Bara, Julius Mtatiro

Chama cha Wananchi (CUF) kimesema hakihusiki kuwafundisha wananchi wa mikoa ya Lindi na Mtwara kuwa na misimamo mikali na kufanya vurugu na kwamba, na kukitupia lawama Chama Cha Mapinduzi (CCM) kuwa ndiyo kinahusika na suala hilo.

Kauli hiyo imetolewa na chama hicho kujibu taarifa ya majumuisho ya vikao vya mashauriano vya mikoa (RCC) ya Lindi na Mtwara, vilivyofanyika Desemba, mwaka jana na Mei, mwaka huu.

Vikao hivyo vilihudhuriwa na wakuu wa mikoa na wilaya husika, makamanda wa polisi wa mikoa na wa wilaya na baadhi ya viongozi wa vyama vya siasa, wabunge, wenyeviti wa halmashauri na baadhi ya wakurugenzi wa wilaya.

Naibu Katibu Mkuu wa CUF Tanzania Bara, Julius Mtatiro, alisema jana kuwa, taarifa hiyo imeishambulia CUF ikidai kuwa ndiyo chanzo cha misimamo mikali ya wananchi wa mikoa hiyo juu ya masuala ya gesi na mazao ya biashara; kama vile korosho na ardhi.

Mtatiro alisema wananchi wa mikoa hiyo hawana misimamo mikali, bali ni waadilifu na wanaoipenda nchi yao na kwamba ni watu wazima ambao hawawezi kufundishwa misimamo na chama cha siasa chenye umri wa miaka 20 kama CUF.

“Kama ni misimamo mikali watakuwa wamefundishwa na CCM kwani imeongoza Tanzania kwa nusu karne na hata asilimia 90 ya wabunge na madiwani wa mikoa ya kusini wanatoka CCM, CUF isisukumiwe mzigo usio wake. Manyanyaso, mateso na umaskini wanavyopata wananchi wa kusini vyote vimesababishwa na vinaendelea kusababishwa na CCM, asitafutwe mchawi mwingine,” alisema Mtatiro.

Alisema CUF pia haihusiki na vurugu za wananchi na uvunjifu wa amani uliotokea katika wilaya za Masasi na Tandahimba, mkoani Mtwara na Liwale na Ruangwa mkoani Lindi na kusisitiza kuwa kamwe haitojihusisha na masuala ya siasa za vurugu.

Mtatiro alisema vurugu zilizotokea Masasi zilianza baada ya trafiki kumuomba rushwa dereva wa bodaboda na kwamba, alipokataa na kukimbia, alifukuzwa na polisi na kupata ajali, hali iliyowafanya wenzake kufanya maandamano yaliyosababisha nyumba na mali nyingine kuchomwa moto.

Mtatiro alisema vurugu za Tandahimba zilisababishwa pia na polisi, ambao alidai walichoma moto ofisi ya mkuu wa polisi wa wilaya (OCD) na kisha kupata ajenda ya kulipiza kisasi kwa wananchi, ikiwa ni pamoja na kuisingizia CUF kwamba, imechoma maduka ya wafanyabiashara.

Alisema vurugu za Liwale zilisababishwa na mfumo mbovu na wa kiuonevu wa stakabadhi ghalani na kwamba, vurugu za Ruangwa zinafanana na za Liwale, ambazo alisema chanzo chake ni wakulima kudhulumiwa fedha zao za korosho.

Hata hivyo, Mtatiro alisema kuhusu msimamo wa wananchi wa mikoa hiyo kutaka gesi ilinufaishe taifa ikiwa palepale Mtwara, hiyo ni sera ya CUF ya muda mrefu.

Alisema CUF haiungi mkono vurugu za wananchi wanapodai haki zao, lakini akaitaka serikali kuwajibika pale wananchi wanapofikia maamuzi hayo, kwani ndiyo inakuwa imezuia haki zao.

VUGURU ZATOKEA MJINI IRINGA, POLISI WATUMIA MABOMU KUREJESHA AMANI

Erick Anam — Sun, 19 May 2013 19:25:35 +0000

Hivi ndivyo hali ilivyokuwa baada ya Machinga kufunga barabara kuu ya Iringa – Dodoma na ile ya Mashine Tatu mjini Iringa leo.

Hali ikiwa tete eneo hilo.

Polisi wakiwa tayari kukabiliana na Machinga.

Abiria na wapiga debe wa stendi kuu Iringa wakinawa maji baada ya kupigwa mabomu na kumwagiwa maji ya kuwasha na askari.

WARAKA KUHUSU MUSWADA WA BARAZA LA VIJANA LA TAIFA WA MWAKA 2013

Erick Anam — Sun, 19 May 2013 19:15:42 +0000

Vijana wenzangu na wote wenye dhamira ya kuwezesha maendeleo ya vijana nchini, salaam!

Mtakumbuka kwamba mwezi Januari 2013 nilitoa taarifa kwa umma ya kueleza kuwa niliwasilisha kwa Katibu wa Bunge Muswada Binafsi wa Sheria ya Baraza la Vijana la Taifa na kuomba hatua za ziada toka ofisi ya Bunge kwa kuzingatia Kanuni ya 21 na Kanuni ya 81 ya Kanuni za Kudumu za Bunge.

Toka wakati huo muswada huo mpaka sasa Mei 2013 haujachapwa katika gazeti la Serikali na nimepokea barua toka kwa ofisi ya Bunge kwamba wamepokea ushauri toka kwa Mwanasheria Mkuu wa Serikali kuwa muswada huo hauwezi kuchapishwa katika gazeti la Serikali kwa kuwa umekiuka masharti ya ibara ya 99 ya Katiba ya Nchi.

Sababu ya Mwanasheria Mkuu wa Serikali kutoa ushauri huo ni kuwa muswada unalenga pamoja na mambo mengine kupitia kifungu cha 31 kipengele cha kwanza kuanzisha Mfuko wa Maendeleo ya Vijana kwa madhumuni ya kugharamia shughuli za baraza la vijana la taifa, mipango ya baraza na kutekeleza miradi ya vijana kwa ajili ya maendeleo ya vijana.

Kwa maoni yangu Mwanasheria Mkuu wa Serikali ametoa ushauri huo bila kuzingatia kwamba kifungu cha 31 kipengele cha pili kinataja vyanzo mbalimbali vya fedha za mfuko ikiwemo kutaja kuwa fedha za mfuko zitatokana na fedha zilizotengwa na Serikali na Bunge kwa ajili ya Baraza kwa mujibu wa Ibara ya 135 kifungu cha pili cha katiba ya Nchi.

Ibara ya 135 (2) ya Katiba ya Nchi inatamka kuwa “fedha ambazo hazitawekwa kwenye Mfuko Mkuu wa Hazina ya Serikali ni zile zote ambazo zimetajwa na sheria ya kwamba zitumike kwa shughuli maalum au ziwekwe kwenye mfuko mwingine kwa ajili ya matumizi maalum”.

Hivyo, ni maoni yangu kuwa ibara hiyo ya Katiba ya Nchi inaweza kutumika kuwezesha kuanzishwa kwa Baraza la Vijana na Mfuko wa Maendeleo ya Vijana bila kufungwa na Ibara ya 99 ya Katiba kifungu cha kwanza ambacho kimeweka masharti kuwa “Bunge halitashughulikia jambo lolote kati ya mambo yanayohusika na ibara hii isipokuwa kama Rais amependekeza kwamba jambo hilo lishughulikiwe na Bunge na pendekezo hilo la Rais liwe limewasilishwa kwenye Bunge na Rais.”

Kifungu cha pili kinataja mambo yanayohusika na ibara hiyo ya 99 ni pamoja na muswada wa sheria kwa ajili ya “kuagiza kwamba malipo au matumizi ya fedha yafanywe kutokana na Mfuko Mkuu wa Hazina ya Serikali au mfuko mwingine wowote au kubadilisha kiwango hicho kwa namna nyingine yoyote isipokuwa kupunguza”.

Toka Sera ya zamani ya maendeleo ya vijana ya mwaka 1996 itamke kwamba Serikali itawezesha kuanzishwa kwa Baraza la Vijana na suala hilo kurudiwa katika Sera mpya ya mwaka 2007; miaka takribani 17 imepita marais wote wa awamu husika na mawaziri wenye dhamana hawajawasilisha bungeni muswada huo hali ambayo imenifanya niandae muswada binafsi kuwezesha baraza kuundwa.

Muswada wa Sheria ya Baraza la Vijana la Taifa 2013 niliouwasilisha kwa maoni yangu hauna lengo la kuagiza malipo au matumizi ya fedha yafanywe kutokana na Mfuko mkuu wa Hazina ya Serikali au Mfuko mwingine wowote kwa mujibu wa ibara ya 99 bali unalenga kuanzisha Mfuko wa Maendeleo ya Vijana kwa kuzingatia masharti ya Ibara ya 135.

Hata hivyo, kwa kuwa muswada huu unahusu mustakabali wa vijana na ni suala la kitaifa kupitia waraka huu naomba kupata maoni yenu kuhusu suala hili, mapendekezo ya marekebisho yanayohitajika kufanyika na hatua zinazopaswa kuchukuliwa.

Maoni, mapendekezo na hatua hizo zitumwe kupitia mbungeubungo@gmail.com au kwa Afisa wa Ofisi ya Mbunge Ubungo Gaston Garubimbi (0715825025) kabla ya tarehe 24 Mei 2013.

Nakala ya rasimu ya muswada wa Baraza la Vijana la Taifa wa mwaka 2013 inapatikana katika mtandao wa http://mnyika.blogspot.com kwa ajili ya rejea.

Aidha, nawaalika kushiriki mikutano ya kupokea maoni kupitia mtandao huo tarehe 20 mpaka 23 Mei 2013 saa 9 alasiri mpaka 10 Jioni ambayo nitashiriki na kutoa maelezo ya zaidi kwa kadiri itakavyohitajika.

Natarajia kupokea maoni ya vijana na wananchi wengine bila kujali tofauti mbalimbali kwa kuwa madai ya kutaka kuundwe Baraza la Vijana la Taifa yamekuwa yakitolewa na vijana, asasi na taasisi kwa muda mrefu.

Vyama vya siasa kwa kuzingatia matakwa hayo viliahidi kutekeleza azma hiyo kwa mfano Ilani ya CHADEMA ya mwaka 2010-2015 kipengele 6.4.1 (viii) ilitamka “Kwa kuwa vijana ndio kundi kubwa hapa nchini, na kwa kuwa uhai wa muda mrefu wa taifa letu upo mikononi mwa vijana, Serikali ya CHADEMA itawezesha vijana kuunda Baraza la Vijana (BAVITA) ambalo limekwamishwa na Serikali ya CCM kwa muda mrefu”.http://www.kwetubongo.com/wp-admin/post-new.php

Kwa upande mwingine, Ilani ya CCM ya mwaka 2010-2015 iliahidi katika kipengele 80 (k) “Kuhamasisha ushiriki wa vijana katika ngazi mbalimbali za maamuzi ikiwa ni pamoja na kukamilisha uanzishaji wa Baraza la Vijana”.

Mwaka 2011 niliihoji Serikali bungeni ni lini itakamilisha uanzishwaji wa baraza hilo na ikaahidi kwamba kazi hiyo itakamilishwa katika mwaka wa fedha 2011/2012 hata hivyo sasa ni Mei 2013 Serikali haijakamilisha.

Hivyo vijana, wabunge na wananchi kwa ujumla ni muhimu kuboresha muswada huo na uwasilishwe bungeni kuwezesha baraza la vijana na mfuko wa maendeleo vijana kuanzishwa; maslahi ya umma kwanza.

Wenu katika uwakilishi wa wananchi,

John Mnyika (Mb)

19 Mei 2013

Dodoma

Muswada wa Baraza la Vijana 2013-Rasimu ya Kwanza; pakua hapa (download here):
https://docs.google.com/file/d/0B8xvLNf5FlohSHJPX2trR3p6YzQ/edit?us…

HONGERA MR & MRS EMMANUEL. E. MANASE

Erick Anam — Sun, 19 May 2013 08:32:14 +0000

KWETU BONGO TEAM INAPENDA KUWATAKIWA HONGERA NA MAFANIKIO MEMA KATIKA NDOA NA MAISHA YENU MR & MRS MANASE