Ahukumiwa kwa ubaguzi Olympics

Posted on Aug 4 2012 - 8:20pm by Mwemutsi Erick

Petras LescinskasRaia mmoja kutoka Lithuania jijini London amehukumiwa adhabu ya kulipa faini ya pauni za Uingereza 2500 kwa kosa la kejeli za ubaguzi wa rangi katika michezo ya Olympic jijini London.

Petras Lescinskas mwenye umri wa miaka 36 mhasibu kitaaluma, alishtakiwa kwa kutenda kosa hilo wakati wa mechi ya mchezo wa mpira wa kikapu kati ya timu ya Nigeria na Lithuania siku ya Jumanne.

Muendesha mashitaka katika kesi hiyo aliiambia mahakama ya Stratford mashariki mwa London kunakofanyikia michezo ya Olympic, kuwa mtuhumiwa alitoa maneno ya kejeli za kibaguzi baada ya kusikika akisema kuwa, ”kulikuwa na kelele za mtindo wa nyani wakati timu ya Nigeria ilipokuwa ikatawala kushika mpira wakati wa mechi hiyo.
Na kuongeza kuwa shabiki huyo wa Lithuania alionekana akionyesha alama ya salamu ya ki-nazi yaani ya kibaguzi iliyotumiwa na kiongozi wa kibaguzi wa Ujerumani Adolf Hitler.

Hivi karibuni mchezaji soka wa timu ya Swizerland Michel Morganella pia alifukuzwa kutoka katika mashindao ya London Olympics kwa kosa la kutuma ujumbe wa kibaguzi kupitia mtandao wa kijamii wa Twitter kwa mchezaji wa timu ya Korea Kusini baada ya Swizerland kufungwa mabao mawili na Korea Kusini.

About the Author

Leave A Response